للتوثيق: جهة مجهولة معروفة تحجب المدونة


كاريكاتير هجرسي (مصر العربية)

في 6 أغسطس 2017، حجبت السلطات المصرية مدونة الصحفي “أحمد جمال زيادة” في مصر، وفي نفس اليوم تم حجب موقع الشبكة العربية لمعلومات حقوق الإنسان، لذا وجب توثيق تاريخ الحجب.


توثيق منظمة حرية الفكر والتعبير عن الحجب


أخبار عن حجب المدونة باللغة العربية:



أخبار عن حجب المدونة باللغة الإنجليزية




ما كتبته على فيسبوك عن حجب المدونة


6 أغسطس 2017
في تطور غريب، السلطات المصرية حجبت أول مدونة على blogspot، وهي مدونتي اللي استعنت بيها مؤخرًا لنشر كتاباتي تجاوزًا للحجب؛ لأن كل المواقع اللي بكتب فيها محجوبة.
حجب مدونة تطور غير مسبوق، لإن المدونة جزء من موقع عالمي؛ وليست موقع مستقل.
دلوقتي أكثر الناس تقدر تفتح الصفحة الرئيسية للمدونة، لكن متقدرش تفتح المواضيع إلا عن طريق برامج بروكسي.


6 أغسطس 2017
الناس اللي مستغربة إن مدونتي اتحجبت، فيه موقع رياضي اسمه كورابيا ملوش علاقة بسياسية أو دين ومحجوب والله، وموقع ساخر اسمه الأهرام المسكيسكي اتحجب.
أنا مستغرب انكم لسه بتستغربوا، يا جماعة داحنا عشنا ثورة وثورة مضادة، واللي بيقول تيران وصنافير مصرية بيتقال عليه خاين، واللي باع بيقولوا بطل قومي، وفي ناس كانت مقتنعة إن الكفتة بتعالج، وإن التفريعة انجاز غير مسبوق، وإن السيسي عمل انجازات، وإن مرسي راجع، وإن الدولار بينهار، ولسه بتستغربوا؟!
بطلوا تستغربوا حتى لو لقيتوا خالد صلاح بيتكلم عن حرية الإعلام، وأحمد موسى بينتقد الحكومة، والسيسي بيتكلم عن حقوق الإنسان.
ولو فيه ناس فاكرة إن حجب مدونة معناه إني شبح ومرعب فشايلة في قلبها شوية، فهي كل الحكاية إن فيه ظابط أهبل مسكوه جهاز الحجب، وأي حاجة بيشوفها مش عاجباه بيحجبها.


7 أغسطس 2016
آخر بوست عن حجب مدونتي اليتيمة:
كنت متخيل إن حجب مدونة شئ مستحيل لأنها جزء من موقع عالمي، لكن طلع الموضوع سهل جدًا وقديم كمان.
– في إبريل 2008، السلطات السعودية حجبت 3 مدونات منهم مدونة الناشط الحقوقي فؤاد الفرحان وموقع الحريه لفؤاد ومدونة حريات.
– في 2009 السلطات التونسية حجبت مدونة للصحفي حكيم غانمي، وأعلن بعدها ببساطة إنه أنشئ مدونة غيرها وإنه مكمل.
– في 2010 اتحجبت مدونة الناشط عمرو أسامة بسبب كتابته موضوع بعنوان “هل اختار النظام عمر سليمان الرئيس القادم لمصر؟”
موضوع حجب المدونات قديم جدًا، لكنه سابقة في عهد عبد الفتاح السيسي، وبعيد عن إن حجب المدونة شئ لا يهم هذا العالم إلا إنه يهمني لسببين:
1 – إنهم قدروا يحسسوني إني بالفعل محاصر؛ اعتقال، محاولة قتل، استدعاءات أمن وطني، حجب مدونة، بالإضافة لحجب كل موقع أنا اشتغلت فيه.
2 – أثبتوا إني مكنتش بكتب على مية، يعني كلامي مؤثر حتى لو لقطاع صغير من القراء.
* عايز أقول إن المدونة بالنسبة لي كنت بأرشف فيها شغلي مش أكثر، وكنت ابتديت أنشر المقالات عن طريقها تفاديًا للحجب، لكن بعد حجبها وخوفهم من الكلام، إيه المانع إني أغير اللينك بتاعها عشان تشتغل أو اعمل مدونة تانية، والجدع يكمل للآخر.
دي دعوة مني لكل صحفي بيكتب في موقع محجوب، أو مدون قديم توقف عن التدوين، اعملوا مدونات واتكلموا عن الفساد والظلم والقمع، خليكوا صوت الناس في ظل سطوة الأوساخ بفلوسهم وسلاحهم على كل وسائل الإعلام.

تحديث:

تم تجاوز الحجب في يوم الأربعاء 10 أغسطس 2017، عن طريق تغيير رابط المدونة. 

اترك تعليقًا

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

شعار ووردبريس.كوم

أنت تعلق بإستخدام حساب WordPress.com. تسجيل خروج   /  تغيير )

Google photo

أنت تعلق بإستخدام حساب Google. تسجيل خروج   /  تغيير )

صورة تويتر

أنت تعلق بإستخدام حساب Twitter. تسجيل خروج   /  تغيير )

Facebook photo

أنت تعلق بإستخدام حساب Facebook. تسجيل خروج   /  تغيير )

Connecting to %s